“APEX INSURANCE” MChJ SUGʼURTA XIZMATLARI ISTEʼMOLCHISIGA UMUMIY ESLATMA

Safar oldidan sugʼurta hodisasi roʼy berganda qanday harakat qilish tartibi, shuningdek, sugʼurta pulini olish uchun zarur boʼlgan hujjatlar roʼyxati bilan tanishib chiqishingizni tavsiya etamiz. Ushbu maʼlumotni “Sugʼurta hodisasi yuz berganda tomonlarning harakatlari. Sugʼurta toʼlovlarini amalga oshirish tartibi” boʼlimidagi Qoidalar va/yoki Polis shartlarida topish mumkin.

YUKLARNI SUGʼURTALASH

Sugʼurta obyekti – aviatashuvchi tomonidan rasmiy ravishda qabul qilingan va tashish uchun roʼyxatdan oʼtgan yuk, qoʼl yuki.

Sugʼurta hodisasi – Sugʼurtalangan shaxsga mulk huquqi yoki boshqa qonuniy asosda tegishli boʼlgan yukning havo kemasida tashish paytida, shuningdek havo kemasiga yoki havo kemasidan yetkazish, yuklash yoki tushirish vaqtida quyidagi hodisalar natijasida yoʼqolishi:

• tabiiy ofat: boʼron, doʼl, toshqin, suv bosishi, zilzila, dovul, koʼchki va boshqalar;
• yongʼin, yashin urishi, portlash;
• uchinchi shaxslarning noqonuniy harakatlari;
• yukning oʼgʼirlanishi;
• halokatga uchrash, toʼqnashuv, agʼdarish yoki yuk ortilgan havo transporti bilan roʼy bergan boshqa baxtsiz hodisalar.

Sugʼurtalovchining javobgarligi yuk yoʼlovchi tomonidan joʼnash punktida topshirilgan paytdan boshlanadi va belgilangan punktda yoʼlovchiga yuk topshirilgan paytda tugaydi.

SUGʼURTA POLISINING AMAL QILISH MUDDATI

Bir tomonga tashish davri uchun va u yerga va orqaga tashish davri uchun.

SUGʼURTALANGAN SHAXS QUYIDAGILARGA MAJBUR

• Sugʼurta hodisasi yuz berganda, yukning qisman yoʼqolganligi va/yoki toʼliq yoʼqolganligi aniqlangan paytdan boshlab zudlik bilan bu haqda tashuvchining roʼyxatga olingan yukka javobgar boʼlgan mansabdor shaxslariga bu haqda xabar berish;
• Tashuvchiga nisbatan oʼz shikoyatini tegishli tartibda rasmiylashtirish va tashuvchining mansabdor shaxslaridan yukning qisman yoʼqolishi/toʼliq yoʼqolganligi toʼgʼrisida bildirgi (tijorat dalolatnomasi) olish; bunda yoʼlovchi ushbu hodisa havo tashuvchisi (uning agenti) va (yoki) xizmat koʼrsatuvchi tashkilot tomonidan hujjatlarda rasmiylashtirilgunga qadar belgilangan aeroportdan (punktdan, oʼtkazish, toʼxtash joyidan) chiqmaslikka majbur;
• Oʼzbekiston Respublikasi hududiga qaytgandan keyingi 3 (uch) ish kunidan kechiktirmay Sugʼurta hodisasi toʼgʼrisidagi Sugʼurtalovchiga yozma shaklda ariza bilan murojaat qilish va barcha zarur hujjatlarni taqdim etish.

SUGʼURTA HODISASINI TAN OLISH UCHUN TALAB QILINADIGAN HUJJATLAR

Hujjatlar chet tilida tuzilgan boʼlsa, notarius yoki tarjima agentligi/byurosi tomonidan tasdiqlangan davlat tiliga qilingan, kerakli tartibda tasdiqlangan tarjimasi boʼlishi kerak;

• Sugʼurta polisining asli yoki nusxasi;
• chiptaning (chiqish talonining) va yuk kvitansiyalarining asli;
• sugʼurta hodisasi sodir boʼlganligini tasdiqlovchi hujjatlarning asl nusxasi;
• aviatashuv paytida yukni yoʼqolganligi haqida Sugʼurtalovchining aviatashuvchiga nisbatan shikoyati;
• transport kompaniyasining yukning yoʼqolishi bilan bogʼliq badalni toʼlaganligini yoki xarajatlarni qoplashni rad etganligini tasdiqlovchi rasmiy xati.

SUGʼURTA PULI VA UNI HISOB-KITOB QILISH TARTIBI

Sugʼurta toʼlovi roʼyxatdan oʼtkazilgan yuk yoʼqolgan hollarda har bir kilogramm vazni uchun 200 000 (ikki yuz ming) soʼm miqdorida, lekin sugʼurta polisida belgilangan sugʼurta summasidan koʼp boʼlmagan miqdorda toʼlanadi.

Sugʼurta summasi 4 000 000 (toʼrt million) soʼmni tashkil etadi.

SUGʼURTA HODISASI HAQIDA OGOHLANTIRISH TARTIBI

Agar sayohat paytida sugʼurta hodisasi yuzaga kelsa, u holda sugʼurta polisida koʼrsatilgan Xizmat koʼrsatish markazi raqamlariga qoʼngʼiroq qiling va xodimlarning koʼrsatmalariga amal qiling.

SUGʼURTA HODISA HAQIDA XABAR BERISH MUDDATI

Siz sayohatdan qaytgan kundan boshlab 30 kalendar kundan kechiktirmay toʼlov uchun murojaat qilishingiz mumkin.

Toʼlov uchun barcha zarur hujjatlar bilan birga topshirilgan ariza 10 (oʼn) ish kuni ichida koʼrib chiqiladi.
Shundan soʼng 3 (uch) ish kuni ichida Sugʼurta dalolatnomasi tuziladi va imzolanadi yoki asos koʼrsatilgan holda rad javobi yuboriladi.

Sugʼurta badalini toʼlash qaror qabul qilingan kundan boshlab 10 (oʼn) ish kuni ichida amalga oshiriladi.

“AREX INSURANCE” MChJ KOMPANIYASI HAQIDA

Oʼzbekiston Respublikasi Moliya vazirligining 20.04.2019 yildagi SF 00241-sonli litsenziyasi.
Yuridik manzili: Toshkent sh., Buyuk Ipak yoʼli koʼchasi, 154 A uy
+ (998 71) 203 08 08 (1188)
apexinsurance.uz