XIZMATLAR KOʼRSATISH TOʼGʼRISIDA OMMAVIY OFERTA SHARTNOMASI

“ULYSSE AVIA” MChJʼning (keyingi oʼrinlarda “Ijrochi” deb yuritiladi) mazkur ommaviy ofertasi ushbu Shartnomada bayon etilgan shartlar asosida mazkur ofertaning 1.5-bandida tavsiflangan onlayn bronlash xizmatlarini (keyingi oʼrinlarda “Xizmatlar” deb yuritiladi) “bir oynada” tamoyili boʼyicha taqdim etish uchun yuridik salohiyatga ega har qanday jismoniy shaxs yoki yuridik shaxs (keyingi oʼrinlarda “Mijoz” deb yuritiladi) qaratilgan.

1. Shartnomada qoʼllaniladigan atamalarning taʼriflari

1.1. Onlayn platforma – Mazkur ofertaning 2.1-bandida koʼrsatilgan xizmatlarni “bir oynada” tamoyili boʼyicha onlayn bron qilish uchun moʼljallangan, Xizmat koʼrsatish provayderidan ijaraga olingan serverda joylashtirilgan BOOKHARA.UZ dasturining “SaaS” versiyasi. “SaaS” versiya – dasturning https://bookhara.uz internet-saytida dasturni yuklab olmasdan taqdim etiladigan versiyasi.
1.2. “AVRUD TRAVEL TECHNOLOGY” MChJ BOOKHARA.UZ onlayn-platformasi boʼyicha alohida huquqlarga ega yuridik shaxs hisoblanadi.
1.3. Buyurtmachi – Ijrochining xizmatlarini oʼzi uchun yoki uchinchi shaxsning foydasiga onlayn platforma orqali sotib oladigan yuridik salohiyatga ega har qanday jismoniy yoki yuridik shaxs.
1.4. Xizmat koʼrsatuvchilar – quyidagilar boʼyicha bevosita xizmatlar koʼrsatadigan yuridik shaxslar: yoʼlovchilarni tashish, sugʼurta qilish, avtomobillarni ijaraga berish, mehmonxona xonalarini bron qilish.
1.5. Xizmatlar – Turar joy obyektlarida xonalarni bron qilish, sugʼurta qilish, aviachiptalar va temir yoʼl chiptalarini bron qilish va sotish, avtomobillarni ijaraga berish xizmatlari.
1.6. Shaxsiy maʼlumotlar – Mijoz Saytda roʼyxatdan oʼtish paytida, shuningdek Saytdan keyingi foydalanish jarayonida mustaqil ravishda oʼzi va uchinchi shaxslar haqida taqdim etadigan har qanday maʼlumot. Bunday maʼlumotlar, xususan, quyidagilarni oʼz ichiga olishi kerak: familiyasi, ismi, otasining ismi, tugʼilgan yili, oyi, sanasi va tugʼilgan joyi, manzili, elektron pochta manzili, mobil telefon raqami, shuningdek boshqa maʼlumotlar, shu jumladan bir qator texnik maʼlumotlar: IP manzili, brauzerining kirishlar tarixi va boshqalar.
1.7. Shaxsiy maʼlumotlarni qayta ishlash – avtomatlashtirish vositalarini joriy qilgan holda yoki bunday vositalardan foydalanmasdan amalga oshiriladigan shaxsiy maʼlumotlarni toʼplash, tizimlashtirish, saqlash, oʼzgartirish, toʼldirish, foydalanish, taqdim etish, tarqatish, uzatish, shaxssizlashtirish va yoʼq qilish boʼyicha bir yoki bir qator harakatlarni amalga oshirish.
1.8. Shaxsiy kabinet – bu Mijoz onlayn-platforma funksiyalarini amalga oshirishi mumkin boʼlgan, faqat roʼyxatdan oʼtgandan va/yoki saytda avtorizatsiya qilingandan soʼng maxsus hisob maʼlumotlarini (login va parol kombinatsiyasi) kiritish yoʼli bilan foydalanish mumkin boʼlgan sayt boʼlimi. Shaxsiy kabinet Mijozning shaxsiy maʼlumotlarini (shaxsiy maʼlumotlar va hujjatlarni) saqlash, Buyurtmalarni rasmiylashtirish, bajarilgan Buyurtmalar toʼgʼrisidagi maʼlumotlarni, ularning bajarilish bosqichini, keltirilgan hisoblarning joriy holatini koʼrish va bildirishnomalarni olish uchun moʼljallangan.
1.9. Buyurtma – onlayn platforma orqali tanlangan xizmatlardan foydalanish uchun Mijoz tomonidan belgilangan tartibda toʼldirilgan ariza.
1.10. Xizmat haqi – Ijrochi va/yoki Xizmat koʼrsatuvchining qoʼshimcha xizmatlari uchun toʼlov.

2. Shartnoma mavzusi

2.1. Mazkur ofertaning mavzusi Mijozga mazkur ofertada nazarda tutilgan shartlarda “bir oynada” tamoyili boʼyicha Xizmatlarni onlayn bron qilish boʼyicha xizmatlar koʼrsatish, xususan quyidagi xizmatlarni taqdim etish hisoblanadi:
- sugʼurta;
- aviachiptalar izlash va bron qilish;
2.2. Mijoz tomonidan https://bookhara.uz saytida quyidagi bandga belgi qoʼyish bilan “Toʼlov” boʼlimini faollashtirish orqali shakllantirilgan kvitansiya boʼyicha xizmatlar uchun qisman yoki toʼliq toʼlovni amalga oshirish Mazkur ommaviy oferta shartlarini soʼzsiz qabul qilishni anglatadi hisoblanadi: “Men Ommaviy oferta, Foydalanuvchi shartnomasi shartlarini qabul qilaman va shaxsiy maʼlumotlarimni qayta ishlashga roziman”. Mazkur ofertaga rozilik ushbu ofertada koʼrsatilganidan boshqacha shartlarda qabul qilinmaydi yoki shartli rozilik qabul qilinmaydi.
2.3. BOOKHARA.UZ onlayn platformasiga mutlaq huquq “AVRUD TRAVEL TECHNOLOGY” MChJʼga tegishli.

3. Xizmatlar koʼrsatish shartlari va tartibi

3.1. Buyurtmachi Ijrojining xizmatlarini onlayn platforma orqali olish uchun https://bookhara.uz internet-saytida roʼyxatdan oʼtishi kerak. Mijozni “BOOKHARA.UZ” tizimida roʼyxatdan oʼtkazish birinchi buyurtma rasmiylashtirilgandan soʼng avtomatik tarzda akkaunt ochish orqali amalga oshiriladi.
3.2. Buyurtmachi Ijrochining xizmatlarini bron qilish uchun quyidagi tartibda mustaqil ravishda Ariza beradi:
3.2.1. Xizmatlarni bron qilish tartibi quyidagi tartibda amalga oshiriladi:
- aviachiptalarni samolyot joʼnashidan kamida 3 (uch) soat oldin bron qilish;
- sugʼurta xizmatlari xizmat koʼrsatish boshlanishidan kamida 3 (uch) soat oldin bron qilish;
- mazkur ofertaning 2.1-bandda koʼrsatilgan qolgan Xizmatlarni ularning taqdim etilishi boshlanishidan kamida 2 (ikki) soat oldin bron qilish.
3.3. Arizalarni tahrirlash va bekor qilish tartibi. Jarima sanksiyalari.
3.3.1. Ilgari rasmiylashtirilgan/toʼlangan Xizmatlarni bekor qilish/tahrirlash Mijoz tomonidan “BOOKHARA.UZ” tizimi orqali mustaqil ravishda, shaxsiy menejerni jalb qilmasdan, Arizaga tegishli oʼzgartirishlar kiritish orqali amalga oshiriladi.
3.3.2. Mijoz “BOOKHARA.UZ” tizimida Xizmat koʼrsatuvchi tomonidan belgilangan muddatga va shartlarga muvofiq arizani tahrirlash/bekor qilish huquqiga ega. Ariza Xizmat koʼrsatuvchi tomonidan belgilanidan oshib ketgan muddatlarda bekor qilingan/tahrirlangan taqdirda, jarimalar “BOOKHARA.UZ” tizimida koʼrsatilgan Xizmat koʼrsatuvchining muddatlariga va shartlariga muvofiq toʼlanadi.
3.3.3. Barcha ushlanmalar/bekor qilishlar/tahrirlashlardan keyin qolgan pul mablagʼlari Mijozning xohishiga koʼra, Mijozdan talabnoma olingan kundan boshlab 5 (besh) bank kuni ichida Mijozning hisob raqamiga qaytariladi yoki kelgusidagi Arizalar uchun oldindan toʼlov sifatida hisobga olinadi.
3.4. Mijoz tomonidan “BOOKHARA.UZ” saytida rasmiylashtirilgan buyurtmalar yakuniy xarakterga ega boʼladi va maʼlumotlarni qayta ishlash tizimida avtomatlashtirilgan tarzda qayta ishlanadi, shundan soʼng Mijozning elektron pochta manziliga Buyurtma maqomi koʼrsatilgan xatlar yuboriladi. Agar Buyurtma Saytda bron qilish shaklini toʼldirishda Mijoz tomonidan yoʼl qoʼyilgan xatolar bilan rasmiylashtirilgan boʼlsa, Ijrochi va Xizmat koʼrsatuvchi Buyurtmaga oʼzgartirishlar kiritishni rad etishga huquqiga ega va Mijoz tomonidan notoʼgʼri rasmiylashtirilgan Buyurtma uchun javobgar boʼlmaydi. Bunday holda, pul mablagʼlari Mijozga Xizmat koʼrsatuvchining qoidalariga muvofiq qaytariladi.
3.5. Ijrochi Xizmat koʼrsatuvchi tomonidan Mijozlar oldidagi majburiyatlarning amalda bajarilganligi/bajarilmaganligi uchun javobgar emas.

4. Xizmatlar narxi va hisob-kitob qilish tartibi

4.1. Xizmatlarning qiymati Xizmat koʼrsatuvchi bilan tuzilgan shartnomaga muvofiq “BOOKHARA.UZ” tizimida milliy valyutada – soʼmda bevosita Xizmat koʼrsatuvchining oʼzi tomonidan yoki Ijrochi tomonidan koʼrsatiladi. “BOOKHARA.UZ” tizimi orqali arizani berish Mijozning Xizmat koʼrsatuvchining xizmatlari narxiga va Xizmat koʼrsatuvchining xizmat koʼrsatish qoidalariga roziligi deb qabul qilinadi.
4.2. Arizada koʼrsatilgan Xizmatlar narxining 100% toʼlovi “BOOKHARA.UZ” tizimi orqali Ariza roʼyxatdan oʼtkazilganda amalga oshiriladi.
4.3. Toʼlov Mijoz tomonidan milliy valyuta – soʼmda amalga oshiriladi. Mazkur Shartnoma boʼyicha barcha hisob-kitoblar toʼlov tizimlari orqali, shuningdek, Ijrochining hisob-raqamiga pul mablagʼlarini oʼtkazish yoʼli bilan amalga oshirilishi mumkin. Norezidentlar tomonidan koʼrsatilgan xizmatlar uchun toʼlov kredit/debet kartalari orqali erkin konvertatsiya qilinadigan valyutada, shuningdek, eksport shartnomasi asosida Ijrochining valyuta hisobvaragʼiga pul mablagʼlarini oʼtkazish yoʼli bilan amalga oshirilishi mumkin.
4.4. Ijrochining xizmatlari uchun haq toʼlash majburiyati Ijrochining bank hisobvaragʼiga uning tariflariga muvofiq hisoblangan va “BOOKHARA.UZ” tizimida qayd etilgan miqdorda pul mablagʼlari oʼtkazilgan paytdan boshlab bajarilgan hisoblanadi. Mijoz chet el valyutasini oʼtkazish bilan bogʼliq toʼlovlarni amalga oshirish xarajatlarini, shu jumladan vakillik bankining komissiyasini oʼz zimmasiga oladi.
4.5. Ijrochi Mijozdan oʼz xizmatlari va Xizmat koʼrsatuvchi xizmatlari uchun xizmat haqini undirish huquqiga ega. Xizmat haqi Mijoz tomonidan Xizmatlar uchun toʼlovni amalga oshirish vaqtida shakllantiriladi va toʼlanadi.
4.6. Ijrochi toʼlov tizimlarining apparat-dasturiy kompleksini nazorat qilmaydi va bunday apparat-texnik majmuadagi xatolar uchun javobgar emas. Agar bunday xatolar natijasida Mijozning pul mablagʼlari hisobdan chiqarilgan boʼlsa, lekin toʼlov tizim tomonidan avtorizatsiya qilinmagan boʼlsa, Mijozga pul mablagʼlarini qaytarish majburiyati elektron toʼlov tizimining provayderi zimmasiga tushadi.

5. Tomonlarning javobgarligi

5.1. Mazkur Shartnoma boʼyicha majburiyatlarni bajarmaganlik yoki lozim darajada bajarmaganlik uchun Tomonlar Oʼzbekiston Respublikasining amaldagi qonunchiligiga muvofiq javobgar boʼladilar.
5.2. Ijrochi quyidagilar uchun javobgar emas:
- Oʼz zimmasiga olgan majburiyatlarni Mijoz tomonidan taqdim etilgan maʼlumotlar va hujjatlarning ishonchli emasligi, yetarli emasligi va oʼz vaqtida taqdim etilmaganligi yoki Mijoz tomonidan mazkur oferta shartlarining buzilganligi oqibatida bajarishning imkoni boʼlmasa;
- Xizmat koʼrsatuvchi tomonidan koʼrsatiladigan xizmatlar sifati uchun. Toʼlangan xizmatlar Xizmat koʼrsatuvchi tomonidan oʼzgartirilganda, bekor qilinganda, boshqasiga berilganda, kechiktirilganda va shu kabi boshqa holatlarda Xizmat koʼrsatuvchi Mijoz oldida Xizmat koʼrsatuvchi tomonidan belgilangan Qoidalarga va Oʼzbekiston Respublikasining amaldagi qonunchiligiga muvofiq javobgar boʼladi.
- oʼz vakolatiga kirmagan sohadagi hodisalar va holatlar natijasida yuzaga kelgan salbiy oqibatlar va zararlar uchun, shuningdek uchinchi shaxslarning harakatlari/harakatsizligi uchun.
- aloqa liniyalarining uzilishi, Mijoz uskunasining nosozligi va boshqalar tufayli Mijozning buyurtmani rasmiylashtirishining imkonsizligi.
5.4. Mijozning Xizmat koʼrsatuvchi tomonidan Xizmatlarni koʼrsatilishi/koʼrsatilmasligi/lozim darajada koʼrsatilmasligi bilan bogʼliq noroziliklarga ega boʼlsa, Mijoz nizolarni hal qilish uchun Xizmat koʼrsatuvchiga murojaat qiladi.
5.5. Hech qanday holatda ham Ijrochining javobgarligi Oʼzbekiston Respublikasida belgilangan BHMʼning 2 baravaridan oshmasligi kerak.
5.6. Tomonlarning mazkur Shartnoma shartlarida belgilanmagan javobgarlik choralari Oʼzbekiston Respublikasining amaldagi qonunchiligiga asosan tartibga solinadi.

6. Nizolarni hal qilish tartibi (hakamlik bandi)

6.1. Ushbu shartnomani bajarish boʼyicha tomonlar oʼrtasida yuzaga kelishi mumkin boʼlgan barcha nizolar yoki shartnoma bilan bogʼliq boshqa nizolar, ushbu shartnoma va/yoki uning hakamlik bandining haqiqiy emasligi toʼgʼrisidagi nizolar quyidagi manzilda joylashgan “Biznes va investitsiya muammolarini oʼrganish markazi“ NNT huzuridagi muntazam ishlaydigan hakamlar sudida koʼrib chiqiladi: 100115. Toshkent sh., Chilonzor t., Arnasoy koʼchasi, 8-uy, tel. (71) 277-59-70).
6.2. Hakamlik muhokamasi mazkur hakamlik sudining Reglamenti qoidalariga muvofiq hakamlik sudining raisi tomonidan tayinlangan (tayinlangan) sudya (sudyalar) ishtirokida ushbu amalga oshiriladi. Muhokamada foydalaniladigan til – davlat tili yoki taraflar uchun tushunarli boʼlgan boshqa til. Muhokama oʼtkaziladigan joy – hakamlik sudining binosi.
6.3. Nizolarni hal qilish boʼyicha daʼvo tartibi qoʼllanilmaydi. Hakamlik sudi majlisining bayonnomasi yuritilmaydi.

7. Shaxsiy maʼlumotlarning maxfiyligi va himoyalanishi

7.1. Ijrochi Mijozga Oʼzbekiston Respublikasining amaldagi qonunchiligi talablariga muvofiq Mijozning shaxsiy maʼlumotlarining maxfiyligini taʼminlash boʼyicha barcha zarur choralarning qabul qilinishini kafolatlaydi. Mijozning shaxsiy maʼlumotlarini qayta ishlashga (shu jumladan uchinchi shaxslarga oʼtkazishga) bergan roziligi muddati cheksiz boʼlib, bunda shaxsiy maʼlumotlarni qayta ishlashga berilgan rozilik Mijoz tomonidan istalgan vaqtda quyidagi elektron pochta manziliga xat yuborish orqali bekor qilinishi mumkin: info@bookhara.com.
7.2. Mazkur Shartnomani qabul qilib, Buyurtmachi Ijrochiga shaxsiy maʼlumotlar toʼgʼrisidagi qonun hujjatlari talablariga muvofiq oʼzining shaxsiy maʼlumotlarini (shu jumladan, lekin istisno etmagan holda: hisob maʼlumotlari, uyali telefon raqami, F.I.Sh, roʼyxatdan oʼtish maʼlumotlari, joylashgan oʼrni, shuningdek onlayn platformadan foydalanish uchun zarur boʼlgan boshqa har qanday shaxsiy maʼlumotlarini) qayta ishlashga, xususan mazkur Shartnomani bajarish uchun avtomatlashtirish vositalaridan foydalangan holda yoki bunday vositalardan foydalanmasdan amalga oshirilgan shaxsiy maʼlumotlarni yigʼish, roʼyxatga olish, tizimlashtirish, toʼplash, saqlash, tushuntirish (yangilash, oʼzgartirish), chiqarib olish, foydalanish, uzatish (tarqatish, foydalanish huquqini berish), shaxssizlashtirish, bloklash, oʼchirish, yoʼq qilishga cheksiz rozilik beradi. Mijoz, shuningdek, ushbu Shartnoma boʼyicha Ijrochiga taqdim etgan shaxsiy maʼlumotlarini ushbu Shartnomani bajarish uchun uchinchi shaxslarga berishiga rozi boʼladi.
7.3. Ijrochi shaxsiy maʼlumotlarni Oʼzbekiston Respublikasining “Shaxsiy maʼlumotlar toʼgʼrisida”gi qonuniga qatʼiy amal qilgan holda qayta ishlaydi.

8. Javobgarlikdan ozod qilish uchun asoslar (Fors-major holatlari)

8.1. Tomonlar ushbu Shartnoma boʼyicha oʼz majburiyatlarini bajarishni kechiktirganlik yoki bajarmaganlik uchun, agar koʼrsatilgan kechikishlar yoki bajarmaslik bartaraf etib boʼlmaydigan kuchlar holatlari tufayli yuzaga kelgan boʼlsa javobgar boʼlmaydilar; bunday holatlarga quyidagilar kiradi: urush (jumladan, fuqarolar urushi); qoʼzgʼolonlar, ish tashlashlar, yongʼinlar, portlashlar, suv toshqini yoki boshqa tabiiy ofatlar, shuningdek, hosting kompaniyalari ishidagi uzilishlar. Yuqoridagi holatlarning har qaysisi bartaraf etib boʼlmaydigan kuchlar (fors-major) holatlari hisoblanadi. Mazkur Shartnomaning bajarilishini kechiktiradigan yoki bajarilishiga boshqa biror tarzda toʼsqinlik qiladigan holatlar yuzaga kelganligi toʼgʼrisida maʼlumot olgandan soʼng darhol Tomonlar bir-birlarini yozma ravishda xabardor qilishlari shart.
8.2. Shuningdek, Tomonlarni mazkur Sahrtnoma boʼyicha oʼz majburiyatlarini bajarishni kechiktirganlik yoki bajarmaganlik uchun javobgarlikdan ozod qiladigan holatlarga embargo eʼlon qilinishi, Oʼzbekiston yoki boshqa davlatlarning hokimiyat va boshqaruv organlarining Tomonlarning oʼz majburiyatlarini bajarishlariga bevosita taʼsir koʼrsatadigan boshqa harakatlari yoki harakatsizligi holati ham kiradi.
8.3. Har qanday Tomonning mazkur Shartnomaning 8.1 va 8.2-bandlarida koʼrsatilgan holatlar tufayli oʼziga yetkazilgan zararni qoplash toʼgʼrisidagi talabi asossiz hisoblanadi.
8.4. Agar mazkur Shartnomaning 8.1 va 8.2-bandlarida koʼrsatilgan holatlar ular yuzaga kelgan paytdan boshlab 30 (oʼttiz) kun oʼtgandan keyin ham amal qilishda davom etsa va bu har qanday Tomonning huquq va manfaatlarini sezilarli darajada buzilishiga olib kelsa, bu Tomon boshqa Tomonni oʼzining Shartnomani bekor qilish niyati haqida yozma ravishda xabardor qilish huquqiga ega. Shartnoma koʼrsatilgan xabarnoma yuborilgandan keyin 30 (oʼttiz) kun oʼtgandan keyin bekor qilingan hisoblanadi.

9. Shartnomaning amal qilish muddati

9.1. Mazkur Shartnoma Mijoz tomonidan qabul qilingan paytdan boshlab kuchga kiradi.
9.2. Shartnomani bajarish bilan bogʼliq masalalar boʼyicha quyidagi manzilda joylashgan “ULYSSE AVIA” MChJʼga murojaat qilish lozim: Toshkent sh., Chilonzor t., Gagarin ko‘chasi, 66-uy

10. Tomonlarning yuridik manzillari va rekvizitlari

Ijrochi – “ULYSSE AVIA” MChJ nomidan
uning Nizom asosida ish yurituvchi direktori Ibragimov L.
Toshkent sh., Chilonzor t., Gagarin ko‘chasi, 66-uy
Tel. +998 71 105-03-45
info@ulysse-avia.com